ஜோதிடத்தில் தொழில் பாவ சூட்சுமங்கள்

உ

ஜோதிடத்தில் தொழில் பாவ சூட்சுமங்கள்

      நான் வியாபாரத்துக்குத் தகுதியானவனா ? வியாபாரம் செய்து என்னால் இலாபம் சம்பாதிக்க முடியுமா  அல்லது நஷ்டப்படுவேனா ? என்பதே ஜோதிடரிடம் இன்றைய இளைஞர்கள் கேட்கும் முதல் கேள்வியாக உள்ளது. இதற்கான முறையான வழிமுறைகளை ஒவ்வொன்றாகப் பார்ப்போம். ஆராய்ச்சிக்கான காரணிகள், கூடுதலாக இருக்க வேண்டிய யோகங்கள், தன யோகங்கள், தொழில் தொடங்க சரியான கால நேரங்கள், ஒவ்வொரு கிரகங்களுக்கும் உரிய தொழில் காரகங்கள் ஆகியவற்றை உதாரண ஜாதகத்துடன் இக் கட்டுரையின் மூலம் விரிவாகக் காண்போம்.

      பொதுவாக, ஒரு ஜாதகத்தில் கீழ்கண்ட விஷயங்களையே ஒரு ஜோதிடர் ஒவ்வொன்றாக ஆராய்ச்சிக்கு எடுத்துக் கொள்வார்.

1.       தொழில் பாவத்துக்குக் காரகக் கிரகங்களான சனி, புதன், குரு மற்றும் சூரியன் ஆகியவற்றின் நிலை.

2.       10 ஆம் இடம் மற்றும் 10 ஆம் அதிபதி.

3.       10 ஆம் அதிபதியின் நிலை / பார்வை / இணைவு ( ஆங்கிலத்தில் – பொஸிஷன், அஸ்பெக்ட், கன்ஜங்ஷன் சுருக்கமாக பிஏசி என அழைக்கிறோம் )

4.       டீ9 – எனும் நவாம்சக் கட்டம்.

5.       டீ10 – எனும் தசாம்சக் கட்டம். (தொழில் முன்னேற்றத்துக்கு தன, பாக்கிய, இலாப வீடுகள் ஆராயப்பட வேண்டும்.

2 ஆம் பாவம் –  தொழில் மூலமான தனவரவு,

9 ஆம் வீடு – பாக்கியம் அல்லது அதிர்ஷ்டம், அதன் மூலமாக வரும் பெயர், புகழ், வெற்றி மற்றும் ஆதாயம்.

11 ஆம் பாவம் – இலாபங்கள் – சிறப்பாக ஜாதகர் எந்த தொழில்/வணிகம் செய்தால் முன்னேறலாம் என்பதை அறிய.

      இவற்றுடன் கூடுதலாக ஜாதகத்திற்கு பொதுவாக பலம் கூட்டக் கூடிய வகையில் உள்ள  சில இராஜயோகங்கள், தன யோகங்கள் மற்றும் பஞ்ச மஹா புருஷ யோகங்கள், அவற்றால் ஜாதகர் எந்த அளவுக்கு வாழ்க்கையில் உயர்வார் என்பதையும் ஆராய வேண்டும்.

      ஒரு முக்கிய பலம் மிக்க இராஜயோகமானது – சந்திரனுக்கு கேந்திரங்களில் 11 ஆம், 9 ஆம், 2 ஆம் அதிபதிகளில் ஒருவர் இடம் பெற ஜாதகர் சக்ரவர்த்தி ஆவார். ( இந்த அமைப்பை மிகப் பெரிய தொழிலதிபர் திருபாய் அப்பானியின் ஜாதகத்தில் காணலாம். சந்திரன் மற்றும் பாக்கியாதிபதி சூரியன் இலக்ன கேந்திரத்தில் அமர்ந்து உள்ளனர் )

       மேலும் கீழ்கண்ட விவரங்களையும் மறக்காமல் கணக்கில் கொள்ள வேண்டும்  --

       கேந்திராதிபதி கோணத்திலோ அல்லது கோணாதிபதி கேந்திரத்திலோ இருப்பதுவும் இராஜயோகம் எனக் கருதப்படுகிறது. 2 ஆம் 11 ஆம் அதிபதிகள் 5 ஆம் , 9 ஆம் அதிபதிகளுடன் பரிவர்த்தனை பெற, பார்க்க, சாரம் பெற - தன யோகம் ஏற்படுகிறது.

       தன யோகங்கள் கீழ்கண்டவாறு அமைகின்றன –

1.       இலக்னாதிபதி, தனாதிபதி இணைவு 5, 9, அல்லது 11 ஆம் அதிபதிகளுடன் இணையும் போதும்

2.       தனாதிபதி, பூர்வ புண்யாதிபதியுடனோ, பாக்கியதிபதியுடனோ, இலாபாதிபதியுடனோ இணையும் போதும்.

3.       5 ஆம் அதிபதி, பாக்கியாதிபதியுடனோ அல்லது இலாபாதிபதியுடனோ இணையும் போதும்.

4.       பாக்கியாதிபதி இலாபதியுடன் இணையும் போதும் ஏற்படுகிறது.

6  ஆறாம் வீடு சேவையைக் குறிகாட்டுகிறது. 6 ஆம் வீடோ அல்லது 6 ஆம்   அதிபதியோ இலக்னம் அல்லது இலக்னாதிபதியை விட பலமாக இருந்தால் ஜாதகர் சேவைப் பணி செய்வார் அல்லது சேவை தொடர்பான பணியில்     பிறருக்கு கீழே பணிபுரிவார், இலக்னம் அல்லது இலக்னாதிபதி, 6 ஆம் வீடு       அல்லது 6 ஆம் அதிபதியை விட பலமாக இருந்தால் ஜாதகர் சுயவேலை      வாய்ப்பு பெறுவார்.

       உதாரணமாக தொழிலதிபர் திருபாய் அம்பானியின் ஜாதகத்தில் இலக்னாதிபதி குரு, சந்திரா இலக்னத்துக்கு, தசம கேந்திரமான கன்னியில் அமர்ந்து கஜகேசரி யோகத்தை ஏற்படுத்துகிறார்.      6 ஆம் அதிபதி சுக்கிரன், புதனுடன் இணைந்து     12 இல் அமர்ந்துள்ளார். எனவே, இலக்னாதிபதி குரு பலம் பொருந்தி உள்ளதால் அவர் மிகப் பெரிய தொழில் அதிபரானார். மேலும், அவரின் ஜாதகத்தில் இந்து இலக்னம் விருச்சிகத்தில் அமைகிறது. 6, 11 க்கு உரிய சுக்கிரனும், 7, 10 க்கு உரிய புதனும் இணைந்து இந்து இலக்னத்தில் உள்ளனர். அவர்கள் இந்து இலக்னாதிபதி செவ்வாயின் நான்காம் பார்வையால் பார்க்கப்படுகின்றனர். இந்த யோக இணைவுகள் காரணமாக ஜாதகர் கோடீஸ்வரர் ஆனார்.

       இந்த யோகங்கள் 6, 8 அல்லது 12 ஆம் பாவங்களோடு தொடர்பு கொள்ளக் கூடாது. ககல யோகமோ அல்லது ஹேமதுரும யோகமோ தொழிலதிபர்கள், வியாபாரிகளின் ஜாதகத்தில் அமைந்துவிடக் கூடாது.

       மேலும், வெற்றிகரமான வியாபாரியாக இருக்க, ஜாதகத்தில் பஞ்ச மகா புருஷ யோகங்களில் ஒன்று அல்லது இரண்டு யோகங்களாவது அமையவேண்டும்.

       தொழில், வியாபாரத்தில் வெற்றி அடைய, 1, 2, 5, 9, 11 ஆம் அதிபதிகள் நல்ல நிலையில் அமைந்திட வேண்டும். அவர்களுக்கு அசுபர்களின் தாக்கம் இருக்க்க் கூடாது.

தொழிலதிபர் திருபாய் அம்பானியின் ஜாதகம்

					இராகு	இலக்// சனி
இராகு	டீ. அம்பானி. 28 – 12- 1932 06 – 37 காலை வெரவால். குஜராத். இராசி					நவாம்சம் டீ-9		சூரி
சனி			செவ், கேது		குரு புத
இலக்// சூரி, சந்	சுக், புத		குரு			சுக், செவ்	சந்	கேது

      

	சூரி, செவ்	குரு
புத, கேது	தசாம்சம் டீ 10		சந்
			இராகு
லக்//, சுக், சனி

          மேற்கண்ட ஜாதகத்தில் இராசிக் கட்டத்தில், தனாதிபதி சனி தனது சுய வீட்டில் பலமாக உள்ளார். தனகாரகன் குருவால் பார்க்கப்படுகிறார். இவை ஜாதகருக்கு நன்மை செய்யக் கூடிய இணைவுகள் ஆகும். இலக்னாதிபதி குரு இராஜ்ஜிய ஸ்தானத்தில் இருந்து இராஜயோகம் தருகிறார். இதன் காரணமாக செல்வ நிலையும், முன்னேற்றங்களும் அடைந்தார். 5 ஆம் அதிபதி 9 இல், பாக்கியாதிபதி சூரியன், நட்பு வீடான குருவின் இலக்ன வீட்டில் இருக்கிறார். இதுவும் ஒரு கூடுதல் நன்னிலை. இலக்னாதிபதி குரு தனகாரகனும், இயற்கை சுபரும் ஆவார். சுபர் 10 இல் இருந்து உயர்ந்த யோகமான அமலா யோகத்திற்குக் காரணமாகிறார். சந்திரனுக்குக் கேந்திரத்தில் அமர்ந்து கஜகேசரி யோகமும் ஏற்படுகிறது. அதன் காரணமாக ஜாதகருக்கு அபரிமிதமான செலவம், சொத்துக்கள், புகழ், மதிப்பு, மரியாதை ஆகியவையும் ஏற்படுகின்றன. நவாம்சக் கட்டத்தில் புதனுடன் இணைந்து, தொழில் மற்றும் வணிகத்திற்குக் குறிகாட்டுகிறார். ஜாதகருக்கு சுகமான குடும்ப வாழ்க்கையும் அமைந்தது.

       கோணங்களான 1 – 5 – 9 ஆகிய பாவங்கள் இணைவு பெற்றுள்ளன. 5 ஆம் அதிபதி செவ்வாய், 9 ஆம் இடத்திலும், இடம் கொடுத்த சூரியன் இலக்னத்தில் அமர்ந்து இந்த நல்ல இணைவு ஏற்படுகிறது. இதுவும் அவருக்கு மிக்க அனுகூலமான பலன்களைத் தந்தது.

      மற்றும் ஒரு நல்ல நிலை என்னவெனில் மூன்று கட்டங்களிலும் செவ்வாய்  சிறந்த நிலையில் அமர்ந்து வணிகத்தில் தனித் திறமையைத் தந்தது. செவ்வாய் மகா திசையில்தான், இவர் நல்ல உச்ச நிலைக்குச் சென்றார். வணிகத்தில் வெற்றி மேல் வெற்றி, சொத்து சேர்க்கை, முன்னேற்றங்கள், தொழில் மூலமான புகழ் என கொடிகட்டிப் பறந்தார். 3 இல் இராகு நல்ல நிலை என்றாலும், பல தடைகளுக்குப் பிறகே அவரால் உயர்ந்த நிலைக்கு வர முடிந்தது.

       இலக்னாதிபதி குரு, 9 ஆம் அதிபதி சூரியன் சாரம் பெற்று 10 இல் இடம் பெற்றது குரு திசையையும் சிறப்பாக்கியது. சிறப்பாக வாழ்ந்தார். சனி திசையில் மேலும் இவர் நிலை உச்சத்தை அடைந்தது. தன ஸ்தானாதிபதி, ஆட்சி வீடு, இலக்னாதிபதி, தனகாரகன் குருவின் நற்பார்வை என அனைத்துமே உயர்வைத் தந்தது. நவாம்சத்தில் இயற்கை அசுபரான சனி நீசமானாதால் அதன் அசுபத் தன்மை குறைந்தது. அதுவும் நன்மைதானே ? எனினும், மாரக ஸ்தானாதிபதியும் ஆனதால், இந்த திசை அவருக்கு மரணத்தையும் தந்தது.

       நவாம்சத்தில், 10 ஆம் அதிபதி சனி, இலக்னத்தில் அமர்ந்து, பாக்கியாதிபதி குரு கர்ம பாவத்தில் அமர்ந்து, சனியால் பார்க்கப்படுகிறார். இதுவும் ஒரு நல்ல யோகமே. மூன்று கட்டங்களிலும் சூரியன் சிறப்பாக இருப்பதும் நல்லதே. சுக்கிரனும் வர்கோத்தமம் ஆகியுள்ளார்.

புதிய தொழில் தொடங்கும் போது பார்க்க வேண்டிய ஜோதிட நிலைகள். –

       தொழில் வியாபாரம் ஆரம்பிக்க சனிக் கிழமை மற்றும் புதன் கிழமை ஆகிய நாட்கள் அனுகூலமானது. கீழ்க் கண்டவை தொழில், வியாபாரம் ஆரம்பிக்க சிறந்த காலங்களாகும்.

      கோசார சூரியன் மேஷத்தில் இருக்கும் ஏப்ரல் 14 முதல் மே 14 ஆம் நாள் வரையும் மற்றும் சிம்ம சூரியன் ஆகஸ்டு 17 முதல் 28 ஆகஸ்டு முடிய உள்ள நாட்களும் அனுகூலமான நாட்களாகும். துலாம் மற்றும் மகர மாதங்கள் சிறப்பானதல்ல.

       தொழில், வணிகத்துக்கு காரகரான புதன் மிக்க பலமாக இருக்க வேண்டும். கோசார புதன் கன்னி மற்றும் மிதுனத்தில் இருக்கும் காலம் சிறந்ததாகும்.

       திரிகோண ஸ்தானங்களில் குரு இருந்து, இலக்னாதிபதியைப் பார்க்கும் காலமும் மிகச் சிறந்தது.

       கர்ம காரகன் சனி பலம் பெற வேண்டும். சனி உச்சமாக இருக்கும் காலம் மிகச் சிறப்பானதாகும்.

       பௌர்ணமி நாளும் மிகச் சிறந்த நாளாகக் கருதப்படுகிறது.

       தசை, புக்தி, அந்தரம் மற்றும சூட்சும காலங்களும் சிறப்பானதாக, அனுகூலமானதாக இருக்க வேண்டும்.

       ஒரு ஜாதகருக்குத் தகுதியான, சிறப்பான தொழிலை தேர்ந்து எடுக்க ஆராய வேண்டிய காரணிகள் –

       10 மற்றும் 7 ஆம் பாவங்கள், அவற்றின் பாவாதிபதிகள், அவர்களுக்கு இடம் கொடுத்தவர்கள் மற்றும் இந்த இரு பாவங்களில் இடம்பெற்றுள்ள கிரகங்கள் ஆகியவை சரியான தொழில் தேர்வுக்கு வழிகாட்டும்.

       கர்மாதிபதியாகும் ( 10 ஆம் அதிபதி ) கோளகள் குறிகாட்டிடும் தொழில்கள் -  

சூரியன் – அதிகாரத்தில் உள்ளவர்கள், ஆள்பவர்கள், அதிமுக்கியமானவர், அரசாங்கம், தங்க - பத்தர், நகைவியாபாரி, வட்டிக் கடைக்காரர், குழந்தைகள் தொடர்புள்ள பணிகள், சர்க்கஸ் பயிற்சியாளர்கள், திரையரங்கு உரிமையாளர் மற்றும் மேனேஜர் ஆகியோரைக் குறிக்கும்.

சந்திரன் – பயணங்கள், பயணவிதிகள், மாலுமிகள், நர்ஸ், மது வியாபாரிகள், துணி துவைப்பவர்கள் (லாண்டரி) தோட்டக்காரர், பேக்கரி உரிமையாளர், ஹவுஸ் கீப்பிங், டையரி உரிமையாளர், குழந்தை மருத்துவர், ஹீலர், ப்ளாஸ்டிக், கேட்டரிங், உணவகங்கள் மற்றும் வெயிட்டர்கள் ஆகியோரைக் குறிக்கும்.

செவ்வாய்/கேது – தீயணைப்புத் துறையினர், மெடலர்ஜிஸ்ட், துப்பாக்கித் தொழிற்சாலை, மெஷின் டூல்ஸ், இராணுவ வீரர்கள், போலீஸ், சர்ஜன், பல் மருத்துவர், பார்பர், சமையல்காரர், ஹார்ட் வேர் சாமன்கள், கொல்லர், பாக்ஸர், கசாப்புக் கடைக்காரர், கெமிஸட், மருந்தாளுனர் ஆகியோரைக் குறிக்கும்.

புதன் – பதிவுத்துறை, (டாக்குமென்டேஷன்), ரிகார்டிங், அது தொடர்பான பணிகள், கற்பித்தல், எழுதுதல், அலுவலர், எழுத்தர், கணக்காளர், புக்-கீப்பர், தபால்காரர், பஸ் டிரைவர், ரயில் பணியாளர்கள், ஆர்ச்சிடெக்ட்ஸ், கரஸ்பாண்டண்ட், ஸ்டெனோகிராபஃர், ரிப்போர்டர், ரேடியோ, டி.வி மற்றும் தகவல் தொடர்பு சாதனங்கள், ஸ்டேஷனரி, பிரிண்டிங், தொலைபேசி மற்றும் அஞ்சல் துறை ஊழியர்கள் ஆகியவற்றைக் குறிக்கும்.

குரு – கவுன்சலர்ஸ், வக்கீல், விரிவுரையாளர், பப்ளிஷர்ஸ், எழுத்தாளர்கள், ஜோதிடர்கள், டிராவல் ஏஜன்ஸி, மதபோதகர், கோவில் தர்மகர்த்தா, கேஷியர், தத்துவவாதி, இலக்கியவாதி, மளிகைக் கடைக்காரர், சிகரெட் விற்பனையாளர் ஆகியோரைக் குறிக்கும்.

சுக்கிரன் – கவிஞர்கள், கலைஞர்கள், சினிமாக் கலைஞர்கள், நடனமணிகள், பாடகர்கள், இசைக் கலைஞர்கள், வாத்தியக் கலைஞர்கள், தொப்பி மற்றும் ஆடை நிபுணர்கள், பேன்ஸி ஷாப், நவநாகரிக ஆடைகள், விலை உயர்ந்த துணிவகைகள், சுகந்த பரிமள வஸ்துக்கள், அழகுக்கலை நிபுணர்கள், எல்லாவகை என்டர்டெய்னர்ஸ், பர்னிச்சர் தயாரிப்பாளர்கள், பெண்களுக்கான பேன்ஸி பொருட்கள், காபி – டீ எஸ்டேட் முதலாளிகள், பூ வியாபாரிகள், எம்ராய்டரி கலைஞர்கள், சோஷியல் செகரட்ரீஸ், போட்டோ கிராபஃர்ஸ், கார்டூனிஸ்ட், என்கிரேவர்ஸ் ஆகியோரைக் குறிக்கும்.

சனி / இராகு – சுரங்கத் தொழிலாளர்கள், நிலக்கரி மற்றும் பெட்ரோல், டீசல் போன்ற அனைத்துவகை கச்சா எண்ணைகள், ரியல் எஸ்டேட், கைத்தொழில் வல்லுனர், ப்ளம்பர், ஆர்ச்சிடெக்ட், மயானம், கட்டிடக் காண்ட்ராக்டர், தச்சர், தோல் பொருட்கள், ஐஸ் தயாரிப்பாளர், மேஜைக் கடிகாரம், சவப் பெட்டி தயாரிப்பாளர், கல்லறைக் கற்கள் தயாரிப்பாளர், பண்ணை, தொழிற்சாலை, தொழிலாளிகள், காவலாளி, மதபோதகர், வெட்டியான், மதக் கூட்டத்தார் (மாங்க்ஸ), கன்னிமார்கள் (கிருத்துவ) தத்துவவாதிகளையும் குறிக்கும்.

கூட்டாளியின் நிலை நீடிக்குமா ?

       7 ஆம் அதிபதி, ( கூட்டாளி ) புதன் ( வியாபாரம் ) சனி ( கர்மகாரகன் ) ஆகியோர் 6, 12 ஆம் அதிபதிகளுடன் தொடர்பு கொண்டால் கூட்டு முறியும். அவ்வாறில்லாமல் 5 , 11 ஆம் பாவங்களுடன் தொடர்பு கொண்டால் கூட்டாளியுடனான உறவு பலப்பட்டு இலாபம் அதிகரிக்கும்.

       எனவே, நண்பர்களே ! தொழில் சார்ந்த அனைத்து விஷயங்களையும் அலசி ஆராய்ந்தது பயனுள்ளதாகவும், ஜோதிட ஆராய்ச்சிக்கு உபயோககரமாகவும் அமைந்திருக்கும் என முடிக்கிறேன். வாழ்க வளமுடன்.

நினைவலைகள் - புகைப்படங்கள்.

“முண்டேன் அஸ்ட்ராலஜி” –யும் நாட்டின் எதிர்கால பலனும்

“முண்டேன் அஸ்ட்ராலஜி” –யும் நாட்டின் எதிர்கால பலனும்

       “முண்டேன் அஸ்ட்ராலஜி” –  என்பது மாகாணம் அல்லது தேசீயம் பற்றிய ஜோதிடமே என “பீ. வி இராமன்” அவர்கள் குறிப்பிடுகிறார். உலகில், நாட்டில் எழுகின்ற பொதுவான  கிளர்ச்சிகள், போராட்டங்கள், போர், நாட்டை நேரடியாக பாதிப்படையச் செய்யக்கூடிய நிகழ்வுகளையும், கொள்ளை நோய்கள், ஆள்பவர்களுக்கு ஏற்படப் போகிற ஆபத்துக்கள், இயற்கை சீற்றங்களால் மக்களுக்கு வரக்கூடிய இன்னல்கள் ஆகியவற்றை கணிக்க பயன்படுகிறது. இதை உலகம் சார்ந்த ஜோதிடவியல் எனக் கொள்ளலாம். பல நேரங்களில் ஜோதிட மேதைகளின் இடைவிடாத எச்சரிக்கைக்குப் பிறகும் செவிமடுக்காத அரசால் அழிவுகளே அதிகமாகின்றன.

       ஒரு நாடு தன் எதிரி நாடு எப்போது போர் தொடுக்கும் - என அறிவதன் மூலமாகத் தனது சக்தியை அதிகரித்துக் கொண்டு பலத்த எதிர்ப்பைக் காட்டலாம் அல்லது சமாதானத்தை விரும்பினால் அதற்கான வழிமுறைகளைக் கண்டறிய முடியும். அதுபோல் ஃப்ளேக், பூகம்பம், வெள்ளம் போன்றவற்றால் ஏற்படப் போகும் பாதிப்புக்களை எடுத்துரைத்து மக்களை முன்னரே  எச்சரிப்பதற்கான வாய்ப்பும் ஏற்படுகிறது.

       அரசியல் ஜோதிடம் என்பது இதன் ஒரு பகுதியாகக் கொள்ளலாம். பேரரசுகள் வீழ்வதும், தற்காலத்தில் உலகின் பெரும் தலைவர்கள், சர்வாதிகாரிகள், நாட்டின் தலைவர்கள், மந்திரிகள், மிக முக்கிய நபர்களாகக் கருதப்படுபவர்களுக்கு ஏற்படும் மரணங்கள், திடீர் ஆட்சிக் கவிழ்ப்பு, பதவி பறிபோகுதல், பன்னாட்டு உறவுகள், நாடுகளுக்கு இடையேயான போர்கள், எதிரி நாட்டின் சதித்திட்டங்கள், இராணுவ ஆட்சி, மக்கள் புரட்சி, உள்நாட்டு, வெளிநாட்டுக் குழப்பங்கள், தீவிரவாத நடவடிக்கைகள், விண்வெளி ஆராய்ச்சிகள், அணு ஆயுத தயாரிப்புகள், விஞ்ஞான மேம்பாடுகள், தேர்தல், முடிவுகள், பொருளாதார நிலைகள், அதன் வளர்ச்சிகள், வீழ்ச்சிகள் என பலவற்றுக்கான பலன்களை முண்டேன் ஜோதிடத்தால் விளக்கமுடியும்.

“உலக பலன்கள் 1939 – 40 மற்றும் 1941 -1945 ஆகிய எனது வெளியீடுகளில் குறிப்பிடப்பட்டுள்ள பலன்கள் இகலோக ஜோதிடம் பற்றிய ஜோதிட மாணவர்களுக்கு ஆராய்ச்சிக்கு உதவிகரமாக இருக்கும்” – என “பீ. வீ. இராமன்” அவர்கள் குறிப்பிடுகிறார்.

இராசிகள் ஒவ்வொன்றும் குறிக்கின்ற நாடுகளைப் பற்றிய விவரங்களை வராஹிமிகிரர் தனது “பிரஹத் சம்கிதா” வில் குறிப்பிட்டுள்ளதை தற்கால                                                                                                                                    நிலைகளுக்கு ஒத்துப் போகும்படி மாற்றி அமைத்துள்ளதாக அவர் குறிப்பிடுகிறார்.

மேஷம் – பிரான்ஸ், சுவிட்சர்லாண்ட், டென்மார்க், ஜெர்மனி, லெஸ்ஸர் போலண்ட், சிரியா, பர்குண்டி, டமாஸ்கஸ், நேப்பிள்ஸ், வெரோனோ, கபுவா, மார்ஸ்லிஸ், பிர்மிங்ஹாம், ஃப்ளோரன்ஸ் ஆகிய நாடுகளையும், மேலும் லித்துவேனியா, கலட்யா, பாலஸ்தீனம், லெபனான், பிரிட்டன், கிராக்கோ, விசிட்டர், மதராஸ், சரகோயா.ஆகியவையும் ஆகும்.

ரிஷபம் -  கிரேட் போலண்ட், பெர்ஸியா, அயர்லாண்டு, ஏஷியா மைனர், ஜியார்ஜியா, உரஷ்யாவின் ஒரு பகுதி, ஹாலண்டு, கிரேக்கம், ஆர்ச்சிபெலகோ – மான்டுவா, லெப்சிக், டூப்லின், செயிண்ட் லூயிஸ், ரோடேஸ். ஆகிய நாடுகளையும், மேலும், பாரசீகம், கோடியா, அபேஜான், காகணஸ், சைப்ரஸ், ஆசியாமைனர் ஆகியவையும் ஆகும். நகரங்கள் – ரோட்ஸ், மாண்டுவா, டப்ளீன், பர்மா, லால்ப்ஜின்,பாலர்மோ, பாத்ரா, கோஷா, யமுனை, மத்பல்யா, கரம்சவா, பாஞ்சாலம், அயோத்தியா,கபித்தலம், ஹஸ்தினாபூர் ஆகியவற்றையும் குறிக்கும்.

மிதுனம் – இங்கிலாந்தின் தென் மேற்குப் பகுதி, அமெரிக்கா, ஃப்ளாண்டர்ஸ், எகிப்த்தின் தாழ்வான பகுதி, பெல்ஜியம், சர்தினியா, வேல்ஸ், ட்ரிபோலி, இலண்டன், வெர்ஸைலியஸ், மெல்போர்ன், ப்ளைமவுத், பார்பாண்ட், சான் ஃப்ரான்சிஸ்கோ  -

கடகம் – ஹாலண்டு, ஸ்காட்லாண்டு, நியூஸீலண்டு, பராகுவே, இத்தாலி, சிசிலி, பிரான்ஸின் ஒரு பகுதி., நியூயார்க், கான்ஸ்டாண்டி நோபிள், ட்ரிபோலி, அல்ஜியர்ஸ், டன்னிஸ், வென்னீஸ், மான்செஸ்டர், ஜெனிவா மற்றும் ஆம்ஸ்டர்டாம் ஆகும்.   நகரங்கள்- மான்செஸ்டர், நாக்டேல்.

சிம்மம்- இத்தாலி, சிசிலி, பிரான்ஸின் ஒரு பகுதி, சால்தியா, பொகிமியா, டமாஸ்கஸ், பிரிஸ்டல், பாத், கேன்டன் மற்றும் பிலடால்பியா, சிகாகோ மற்றும் பாம்பே. லங்கா, கலிபோர்னியா, வடக்கு ருமேனியா, ரோம், சிகாகோ, நர்மதை, ஒரிஸா, வங்காளம், அஸாமில் காமரூபம், புகிந்தா மலை, தக்மாணத்தின் கீழ்பகுதி, யமனையின் கீழ்க்கரை, கலிங்கம்.

கன்னி – மெசபடோமியா, ஆசியாடிக் மற்றும் ஐரோப்பா, டர்கி, ப்ரேசில், கிரிட், ஆஸ்ரியா, வெஸ்ட் இண்டீஸ், கிரீஸ், பாரீஸ், லியான்ஸ், ஜெரூசலம், லாஸ் ஏஞ்சல்ஸ், இந்தியா.   வர்ஜினியா.                                                                                                                                                                                                  

துலாம் – இந்தியாவின் சில பகுதிகள், போர்ச்சுகல், லிவோனியா, ஆஸ்ட்ரியா, அலாஸ்கா, ஜப்பான், திபேத், ஷெஃப் பீல்டு, லிஸ்பான், ஃப்ரான்க் பர்ட்., ஆன்ட்வெர்ப், சார்லஸ்டோன், வியன்னா, ஜோகன்ஸ்பர்க். ஆகியவை ஆகும்.

விருச்சிகம் – பவேரியா, ஜுடேயா, கடலோனியா, நார்வே, மொரோகோ, வாஷிங்டன், டோவர், லிவர்போல், பால்டிமோர். ஸ்வீடன், அல்ஜிரியா, ஜூட்லாண்டு, க்வீன்ஸ லாண்டு. பிரேசில் ஆகியவை ஆகும். டெல்லி, பிராங் ஃப்ரட். வாலண்டியா, போர்ட் லாண்ட் ஆகும்.

தனுசு – ஸ்பெயின், அரேபியா, ஹங்கேரி, மடகாஸ்கர், கொலோஜின், ராட்டன்பர்க், டொலேடோ, ஷெஃப் பீல்டு. ஆஸ்திரேலியா, பெலிக்ஸ், டஸ்கினி, டல்மாஷியா ஆகியவை ஆகும்.

மகரம் - இந்தியாவின் ஒரு பகுதி, மஸிடோனியா, ஆப்கானிஸ்தான், மெக்ஸிகோ, கிரீஸ், சாக்ஸானி, த்ரேஸ். ப்ராண்டன் பர்க், ஆக்ஸ்போர்டு, ப்ரூசெல்ஸ். பல்கேரியா, டோரண்டோ

கும்பம் – சுவீடன், அரேபியாவின் சில பகுதிகள், ரஷ்யா, டென்மார்க், லோயர் சுடான், அபிஸ்ஸினியா, ப்ரைடன், ஹம்பர்க் மற்றும் ப்ரேமன். தெற்கு ஆசியா, லிதுவேனியா, ஆகும்.

மீனம் -  நார்மண்டி, போர்சுகல், காலிசியா, எகிப்து, நுபியா, சஹாரா, அலெக்ஸாண்ட்ரியா, லான்காஸ்டர், ராட்டிஸ்பான், சிலோன், சிகாகோ ஆகியவை ஆகும்.

12 வீடுகளுக்கான காரகங்கள் –

        ஒரு நாட்டின் இலக்னம் என்பது அதை ஆளும் ஒரு குறிப்பிட்ட இராசியாகும். உதாரணமாக இங்கிலாந்தின் இலக்னம் மேஷமாகும். இந்தியாவின் இலக்னம் கன்னியாகும். ஆயினும், இது துல்லியமான இலக்னம் எழும் பாகையாக எடுத்துக் கொள்வதற்கில்லை. சுமாரான பாகையாகும். பாவங்களுக்கான முண்டேன் அஸ்ட்ராலஜி - காரகங்கள் கீழே கொடுக்கப்பட்டுள்ளன.

முதலாம் பாவம் எனும் இலக்னம் – மாகாணத்தின் பொது விவகாரங்கள், பொது சுகாதாரம், மந்திரி சபையின் நிலை. மக்கள், அவர்களின் வாழ்வு, தேசப்பற்று, சமுதாய எண்ணங்கள், சுதந்திர உணர்வு வெளிப்படுத்துதல், உறுதியான செயல்பாடுகள் மற்றும் உலக வாழ்வுபற்றிய கருத்துக்கள். நாட்டு விவகாரங்கள் (உள்,வெளநாடு) தேசத்தின் புதிய திட்டங்கள், மக்களின் ஏற்றுக் கொள்ளும் மனம், எதிர்ப்புநிலை, பொது சுகாதாரம், நோய் பாதிப்பு, அமைச்சக, அமைச்சர்கள் நிலை, அவர்களிடையேயான ஒற்றுமை, வேற்றுமை, பூசல்கள், வழக்குகள், தண்டனைகள், தீர்ப்புகள், ஆட்சியாளர்களின் ஆரோக்கியம், துணிவான செயல்பாடுகள், தனிமனித பண்புகள் ஆகியவற்றைக் குறிக்கும்.

இரண்டாம் பாவம் – மாகாண வருவாய் துறை, அரசியல் பிரபுத்துவம், மக்களின் பொருளாதார நிலை, மாநில இறக்குமதிகள், வணிகப் பரிமாற்றங்கள். வருவாய் துறை வருமானம். நாட்டின் வரவு செலவு, வாங்கும் திறன், பணம், பணப் புழக்கம், இலாப நஷ்டம், பணம் கொடுக்கல் வாங்கல், வங்கிகள், கருவூலம், பணம், பத்திரம் புழங்கும் இடங்கள், வங்கியாளர்கள், வங்கி ஆவணங்கள், முதலீடுகள், போர் தளவாடம், வாணிபம், ஏற்றுமதி, இறக்குமதி, உற்பத்தி, மக்களின் வளர்ச்சி விகிதம், வரிவிதிப்பு, வரிவிதிக்கும் அதிகாரம், சட்டம், அதை இயற்றும் அதிகாரம், முதலீடு, முதலீட்டாளர்கள், விலைவாசி, அசையும் சொத்துக்கள், நகைகள், கடன் பத்திரம், பங்குகள், பொதுச் சொத்துக்கள் ஆகியவற்றைக் குறிக்கின்றன.

மூன்றாம் பாவம் – தொலைபேசி, தந்தி, வானொலி தொலைக்காட்சி,  வதந்திகள், விளம்பரம், இரயில்வே துறை, கப்பல், விமானப் போக்குவரத்து, பத்திரிக்கைகள், செய்தித் தாள்கள், அதன் பணியாளர்கள், செயற்க்கைக்கோள் தொடர்புகள், அண்டை நாட்டுத் திட்டங்கள். பயணங்கள், வாகனங்கள், போக்குவரத்து விதிகள், செய்திகள், விமர்சகர்கள், நிருபர்கள், தகவல்கள் தரும் நிறுவனங்கள், புத்தகங்கள், இலக்கியம், இரவுக் காவலர்கள், படைப் பிரிவுகள், அண்டை நாடுகள், அவற்றின் திருப்திகரமான, திருப்தியற்ற நிலைப்பாடுகள், ஒப்பந்தங்கள், மக்களின் மனநிலைகள், பொதுக் கருத்துக்கள், போர், விபத்து, பூமியை இழத்தல், புயல், சீதோஷ்ண மாறுபாடுகள், அமைதியற்ற சூழல்கள், ஆகியவற்றைக் குறிக்கின்றன.

நான்காம் பாவம் – சொந்த நாடு, தேசப்பற்று, எதிர் கட்சிகள், ஜனநாயகம், நகராட்சி அரசியல், நிலம், பயிர்கள், விவசாயம், அதற்கான துறைகள், சுரங்கங்கள், பொதுக் கட்டிடங்கள், வீடுகள், கட்டுமானத் தொழில், போரினால் ஏற்படும் பேரழிவு, இயற்கை சீற்றங்கள், அபனால் ஏற்படும் சேதங்கள், அழிவுகள், இழப்புகள், பள்ளிக் கூடம், கல்லூரிகள் மற்றும் இதர கல்வி சாலைகள், மாணவர்கள், பூமி, எஸ்டேட்டுகள், பொதுவான சந்தோஷங்கள், வணிகம் மற்றும் விவசாயம்.

ஐந்தாம் பாவம் – ஆட்சியாளர்களின் மனப்பாங்கு, மாநிலத்தில் உள்ள குழந்தைகள், புதிதாகப் பிறந்த குழந்தைகள், குற்ற நடவடிக்கைகள் மற்றும் மகிழ்ச்சியையும், சந்தோஷத்தையும் ஏற்படுத்தக் கூடிய பொழுது போக்கு இடங்கள். கேளிக்கை விடுதிகள், மால்கள், பூங்காக்கள், பொழுதுபோக்கு அம்சங்கள், திரையரங்குகள், நடிகர், நடிகைகள், கலைஞர்கள், காதல் செயல்பாடுகள், சுகமான வாழ்க்கை மற்றும் சிந்தனைகள், மதுபானக் கடைகள், சூதாட்டங்கள், பந்தயங்கள், லாட்டரி, பங்குச் சந்தை, கல்வி வசதிகள், நீதி, நியாயங்கள், ஒழுக்கக்கேடு, ஊழல்கள், சமுதாய விழாக்கள், மேல்தட்டு மக்கள், மேல்சபை, முதலீடுகள், சேமிப்புகள், அயல் நாட்டு தூதுவர்கள், இராஜதந்திரிகள், அரசவை, மாளிகைகள், கட்சிகளின் பொதுச் சொத்துக்கள், நிதிகள், சுரங்கத் தொழில் மூலமான ஆதாயம், அரசு விழாக்கள், கல்விச் சாலைகளில் நடக்கும் விழாக்கள் கொண்டாட்டங்கள், அரசர், பிரதம மந்திரி, ஆட்சியாளர்கள், ஜனாதிபதி ஆகியோரின் மனநிலை ஆகியவற்றைக் குறிக்கின்றன.


ஆறாம் பாவம் – மாநில பற்று, வரவுகள், கடன்கள், ஆட்சியாளர்கள் மற்றும் மக்களுக்கு ஏற்படும் நோய்கள், எல்லைப்புறத் தாக்குதல்கள், கப்பல் மற்றும் இதர போர்ப் படைகள். போர் விமானங்கள், கப்பல்கள், இராணுவத் தொடர்புடைய மனிதர்கள்( அதிகாரிகள், வீரர்கள், செவிலியர்கள், தொழிற்சாலைகள், உழைப்பாளிகள், தொழிற்சங்கங்கள், வேலைநிறுத்தங்கள், கடன்கள், வங்கிக் கடன்கள், வேலைவாய்ப்புக்கள், உயிர் காக்கும் சேவைகள், மருத்துவம், செவிலியர், காப்பீடு, இழப்பீடுகள், சேமிப்புக் கிடங்குகள், பானவகைகள், உணவுக் கையிருப்பு, ஆவணக் காப்பகம், ஆவணக் காப்பாளர்கள், கணனிகள், நூலகர், பழைய நூல்கள், ஓலைச் சுவடிகள், விலங்குகள் பாதுகாப்பு, மிருகக் காட்சிசாலை, கோழிப் பண்ணைகள், மனித நேய அமைப்புகள், பஞ்சாலைத் தொழிலாளர்கள், தேசத்தை பாதிக்கும் நோய்கள், பொது மருத்துவர்கள்.  ஆகியவற்றைக் குறிக்கின்றன.


ஏழாம் பாவம் – பெண்களின் ஆரோக்கியம், நாட்டில் ஏற்படும் ஒழுக்கமற்ற நிலைகள், குழந்தைச் சாவின் அளவு, போர், வெளியுறவுக் கொள்கைகள். பொது எதிரி, ஊடுருவல்கள், தேசப் பாதுகாப்புக்கு குந்தகம் செய்வோர், சட்டத்துக்குப் புறம்பான செயல்களைச் செய்பவர்கள், நீதிக்கு பயந்து ஓடி ஒளிபவர்கள், திருடர்கள், கொள்ளையர், சர்வதேச நடவடிக்கைகள், பூசல்கள், பிறநாட்டுடனான உறவுகள், அயல் நாட்டு விவகாரங்கள், சார்பு/ எதிர்பு நாடுகள், மறைமுக / ரகசிய எதிரிகள், கூட்டு ஒப்பந்தங்கள், நடுவர் தீர்ப்புகள், விவாதங்கள், கூட்டாளிகள், தடைகள், போட்டிகள், முரண்பாடுகள், ஒற்றுமை, நாகரீக வளர்ச்சி, சமுதாய வளர்ச்சி ஆகியவற்றை பாதிக்கும் சூழல்கள், க்டுப்பாடுகள், வெளிநாட்டு வணிகம், திருமணம், மணமுறிவு, ஒழுக்க சீர்கேடுகள், திருமண, மணமறிவு விகிதாசாரங்கள், மக்கள் கருத்து, பொதுக் கூட்டங்கள், பொதுக் கருத்து, பொதுவிதிகள், கலைக் கூடங்கள், கூட்டமைப்பு, நடுவர்மன்றம், சட்ட மேலவை, அனுமதிக்கப்படும், நிராகரிக்கப்படும் உரிமைகள், இராணுவ செயல்பாடுகளின் வெற்றி, தோல்விகள், பெண்களின் ஆரோக்கியம், குழந்தைகளின் இறப்பு விகிதம், சமூக விரோத அமைப்புகள், ஒற்றுமைக்கான அமைப்புகள்  ஆகியவற்றைக் குறிக்கின்றன.

எட்டாம் பாவம் – இறப்பு விகிதம், மாநிலக் கருவூலம். அதிகார வர்க்கங்கள், அவர்களின் மரணம், அதற்குப் பிறகு ஏற்படும் இறுதி மரியாதைகள், ஊர்வலங்கள், இரங்கல் கூட்டங்கள். ஆட்சியாளர்களின் அதிகார இழப்பு, மக்கள் சக்தியால் மாற்றங்கள் ஏற்படுதல், கொடுங்கோன்மை ஆதிக்கம் பெறுதல், மந்திரி சபை, ஆலோசகர்கள், ( இந்து - முதல் வீடு- மத்திய மந்திர சபை, மேல்நாடு- 4 ஆம் வீடு ஆகும்), போர், இயற்கைப் பேரழிவு, பஞ்சம், கொள்ளை நோய், ஆகியவற்றால் ஏற்படும் பாதிப்புகள், துன்பங்கள், இறப்பு, பிறப்பு மற்றும் இரண்டுக்குமான சதவிகிதங்கள், ஆயுத பலம், மதத்தின் நிதி, மாநிலக் கருவூலம், முடக்கப்பட்ட சொத்துக்கள், முதலீட்டின் இலாபத்தால் கிடைக்கும் வரிகள், யூக வணிகம், தேசத்தின் பொருளீட்டும் திறன், மக்களின் வருமானம், மரண தண்டனை, அதை நிறைவேற்றுபவர், மக்களின் செலவுகள், வரி, தண்டத் தொகை, மறைக்கப்பட்ட பொருட்கள், மருத்துவக் கண்டுபிடிப்புக்கள், காப்பீட்டு நிறுவனங்கள், அறக்கட்டளைகள், ஓய்வூதியர்கள், மரணத்தை ஒட்டிய கடமைகள்  ஆகியவற்றைக் குறிக்கின்றன.

ஒன்பதாம் பாவம் – கோவில்கள், பள்ளி வாசல்கள், தேவாலயங்கள், மதமாச்சர்யங்கள், மத போதகர்கள், ஆன்மீக நிலை, சமயப் பற்று, மதக் கல்விகள், நீதி மன்றங்கள், சட்டம், வழக்குத் தொடர்தல், நீதி நேர்மை. சர்வதேசக் கூட்டமைப்புகள், மாநாடுகள், கூட்டங்கள், அயல் நாட்டு விவகாரத்துறை, அயல் நாடுகளுடனான ஒத்துழைப்பு, இராஜதந்திரம், வெளியாட்டு அரசியல், வெளிநாட்டவர், உலகளாவிய தொடர்புகள், உடன்படிக்கைகள், தேசப்பற்று, அயல் நாட்டு வணிகம், ஏற்றுமதி, இறக்குமதி, அயல் நாட்டுக்குக் கப்பல் விடுதல், கப்பற்படை, அது சார்புடையவை, அரசியல் விளம்பரம், கருத்துக்களை வெளியிடுதல், பரப்புதல், தணிக்கை அமைப்பு, சுற்றுலாத்துறை, உள்நாட்டு விமானப் போக்குவரத்து, அறிவியல், உயர் கல்வி நிறுவனங்கள், எழுத்து துறைக்கான கல்வி, ஆநிரியத் தொழில், ஆலோசனை மையம், பாடப் புத்தகங்கள், தத்துவ நூல்கள், கல்லூரிகள், கல்லூரி மாணவர்கள், கல்லூரிக் கட்டிடுங்கள், வெளியீடுகள், பல்களைக் கழகங்கள், உயர்ந்த எண்ணங்கள், வெளிநாடுகளில் குடியேறுதல், தொலைதூரப் பயணங்கள், கடல் பிரயாணங்கள், மாணவர், கலை, அறிவியல் பரிமாற்றங்கள், வெளிநாட்டு சுற்றுலாப் பயணங்கள், வெளிநாட்டு அகதிகள், தகவல் தொடர்பு, இராணுவ அணிவகுப்பு, விமானப் பணிப் பெண்கள், கூட்டாளிகள், உறவினர்கள், அறிமுகம் இல்லாதவர்கள் ஆகியவற்றைக் குறிக்கின்றன.

பத்தாம் பாவம் – ஆட்சியாளர்கள், பாராளுமன்றம், அயல்நாட்டு வணிகம், ஏற்றுமதிகள், சுய நலவாதிகள், சுரண்டல்காரர்கள், சட்டம் ஓழுங்குக் குறைபாடுகள் மற்றும் புரட்சிகள். கட்சிகள், மேலதிகாரிகள், சாதாரண மக்கள், புகழ் வாய்ந்த மனிதர்கள், உலக அரங்கில் தேசத்தின் மதிப்பு உயரும் நிலை, கலாசாரம் மற்றும் சாதனைகள், அதன் மூலம் உயரும் நாட்டின் பெருமை, அயல் நாட்டு வணிகம், ஏற்றுமதி, சுரண்டல், புரட்சி, சட்டம் ஒழுங்கு சீர்குலைவு, (மேற்கத்திய ஜோதிடம் – 11 ஆம் வீடு). தலைமை அதிகாரிகள், தலைமைச் செயலாளர்கள், தேச அளவில் பிரபலமானவர்கள், அமைப்பின் தலைவர்கள், தேச ஒற்றுமை, மதத்தின் பெயர் கொண்டு சேர்க்கப்படும் பணங்கள், ஓய்வுபெறுதல், தேசத்தின் கொள்கைகள், முக்கியஸ்தர்கள், அதிகாரிகள், குற்றம் செய்து அனைவராலும் அறியப் பட்டார்கள், அரசுவேலை. ஆகியவற்றைக் குறிக்கின்றன.

பதினோறாம் பாவம் – மற்ற நாடுகளின் மூலமான இலாபங்கள், வணிக இலாபங்கள், உலக நாடுகளுடனான உறவுகள். பாராளுமன்றம், சட்டம், பொதுமன்றம், சட்ட மேலவை, மாநிலம், நகரம், தேசம், அரசாங்கம், பிற நாடுகளுடன் ஏற்படும் உடன் படிக்கைகள், ஒப்பந்தங்கள், தூதுவர்கள், உள்ளாட்சி நிர்வாக அமைப்புகள், ஆலோசனைக் குழுக்கள், திட்டங்கள், காலமுறைத் (5 ஆண்டு) திட்டங்கள், விலைவாசிக் கட்டுப்பாடு, பொருள் வினியோகம், தொழில் வளர்ச்சி, இலாபங்கள், மாசுக் கட்டுப்பாடு, நேசநாடுகள், பிறநாட்டு இலாபங்கள்,  ஆசைகள் நிறைவேறுதல், குழுக்கள், நாடகம், நாடகவிழா, சினிமா அரங்குகள், சூதாட்ட இல்லம், கூட்டுறவு சங்கங்கள், ஆட்சிக் குழுக்கள், பங்குச் சந்தை, வாரிசு உரிமை, சீர்திருத்த வாதிகள், பொதுவிழாக்கள் ஆகியவற்றைக் குறிக்கின்றன.

பன்னிரெண்டாம் பாவம் – ரகசிய குற்றங்கள், சதித் திட்டங்கள், மருத்துவ மனைகள் மற்றும் அது தொடர்பான நிறுவனங்கள், போர் மற்றும் அதனால் ஏற்படும் இழப்புகள்.  போர்க் கைதிகள் பாதுகாக்கும் இடம், அகதிகள், இராணுவ மருத்துவ மனைகள், தீவைத்தல், கொள்ளையடித்தல், கற்பழித்தல், படுகொலை, இராஜதுரோகி, கலகக்காரர்கள், உளவாளிகள், நிழலுலக நடவடிக்கைகள், இரகசியத் திட்டங்கள், இரகசிய ஒப்பந்தங்கள், குற்றங்கள், தண்டனைகள், கன்னியாஸ்திரிகள், துறவிகள் மடங்கள், அனைத்துப் புகலிடங்கள், நசவேலைகள் செய்பவர், கொத்தடிமை, ஊனம், மறைவிடங்கள், தற்கொலை, இறுதிச் சடங்குகள், விஷம் வைத்தல், ஏழ்மை, ஊழல், வழக்கு நடத்துதல், தாழ்வு மனப்பான்மை, தொற்று நோய்கள், முதியோர் இல்லம், ஆள்மாறாட்டம், சிறைக்காவலர், நஷ்டம், தடைகள், உபயோகமற்றுப் போதல், தியாகம் செய்தல் ஆகியவற்றைக் குறிக்கின்றன.








நாட்டின் எதிர்கால பலன் அறிய கீழ்க்கண்ட காரணிகள் மனதில் கொள்ளப்பட வேண்டும்.

1.   மேஷம், கடகம், துலாம், மகரம் ஆகிய இராசிகளில் சூரியன் நுழையும் காலத்தைக் குறித்துக் கொள்ளுங்கள். பின், கிரக நிலைகளை ஆராயந்து பலன் காண வேண்டும். இது குறிப்பிட்ட வருடத்தில் உலகிற்கான பொதுவான பலன்களைத் தரும்.

2.   குறிப்பிட்ட ஒரு நாட்டின் அல்லது நாடுகளின் நிலையில் இருந்து ஒவ்வொரு மாதத்திற்கான ஒளி கிரகங்கள் மற்றும் மற்ற கிரக நிலைகளைக் கருத்தில் கொள்ள வேண்டும். உதாரணமாக, ஒளிகிரகங்கள் மேஷத்தில் இருக்க, அதனுடன், சனி, செவ்வாய் போன்ற அசுப கிரகங்களின் தாக்கமும் இருக்க, மேஷ இராசியில் குறிப்பிடப்பட்டுள்ள நாடுகளில் பொதுவாக அதிகமான நோய் பரவுதலும், மக்கள் மன்றங்களில் குழப்பங்கள் ஏற்பட்டு, அந்த மாதத்தில் அங்கு பொதுவான நடவடிக்கைகள் திருப்திகரமாக இருக்காது எனலாம். அதே மாதத்தில் 10 ஆம் இடத்தில் ஒளி கிரகங்கள் இடம்பெற அந்த இராசிக்கு உரிய நாட்டில் அரச பரம்பரைக்கு உயிரிழப்பு, அயல்நாட்டு வாணிபத்தில் இலாபம் குறைதல்,  சட்டம் ஒழுங்கு பாதிப்பு அடைதல் மற்றும் ஒரு புதிய புரட்சிக்கான அறிகுறி தென்படுதல் போன்ற விரும்பத்தகாத நிலைகள் ஏற்படும். இன்னொரு நாட்டில் இதே இணைவு, 2 ஆம் இடத்தில் ஏற்பட பொருளாதார இடர்பாடுகள் மாநிலத்தில் ஏற்படுவதோடு, வருமானக்குறைவு மற்றும் பொருள்கள் இறக்குமதி நிலைகளும் பாதிப்பு அடையும். இவ்வாறாக, இராசிகளில் ஏற்படும் அசுபக்கிரகங்களின் தாக்கம் அந்தப் பகுதியில் ஏதாவது ஒரு வகையில் பாதிப்புக்களைத் தரும் என்பதை நாம் அறியவேண்டும்.

   

       முண்டேன் அஸ்ட்ராலஜியில் முக்கியமாகப் பார்க்க வேண்டியது ஒவ்வொரு ஆண்டும் கிரக சாம்ராஜ்யத்தில் மாறிக் கொண்டு இருக்கிற கிரகங்களின் பொறுப்புகளை, பதவிகளை ஆகும். இதைப் பொருத்தே பலன்கள் மாறுபடுகின்றன. கிரக மந்திரி சபை என்பது – 7 கிரகங்களும் பெறக் கூடிய இலாகாக்கள் – அரசர், மந்திரி, தளபதி, தாதுக்கான அதிபதி, மூல, ஜீவன்களுக்கான அதிபதிகள், தான்யாதிபதி, கால்நடை அதிபதி என ஒவ்வொரு ஆண்டும் அவற்றின் பதவிகள், இலாகாக்கள் மாறிக் கொண்டே இருக்கும். இந்த வருடம் அரசனாகவுள்ள கிரகம் அடுத்த ஆண்டு மந்திரியாக மாறும். இதை அந்தந்த வருட பஞ்சாங்கங்களின் மூலமாக அறியலாம்.

3.   இராஜ கிரகங்களான சூரியன் – சந்திரன் ஆகியவை எந்த வருடத்தில் இராஜா ஆகவில்லையோ அந்த வருடங்களில் ராஜசுகம் பெருமளவு மாறுபடும். அதேபோல் – தன்னிகரில்லாத் தளபதி செவ்வாய்க்கு – எந்த வருடத்தில் அந்தப் பதவி பிராப்தம் கிடைக்கவில்லையோ – அந்த வருடம் படைப்பிரிவுகளில் பிரச்சனைகள் எழலாம். இதுபோல் அனைத்துக் கருத்துக்களும் கருத்தில் கொள்ளப்பட வேண்டும்.

4.   அடுத்து, கிரகண காலங்கள் முண்டேன் அஸ்ட்ராலஜியில் மிக முக்கிய பங்கு வகிக்கின்றன. கிரகணத்தின் தாக்கமானது, கிரகண காலத்துக்கு முன், பின் 6 மாதங்கள் இருக்கின்றன. கிரகணம் ஏற்படும் நாட்டின் மீது பாதிப்பு, புதிய மாற்றங்கள் ஏற்படுகின்றன. சூரிய – சந்திர கிரகணங்கள் 14 நாட்கள் இடைவெளிகளுக்குள் ஏற்பட்டால் நாட்டில் போர், தலைவர்கள் கொலை செய்யப்படுதல் போன்ற பாதிப்புக்கள் ஏற்படலாம்.

5.   உதாரணமாக 1914 ஆம் ஆண்டு, மார்ச் மாதம் 14 நாட்கள் இடைவெளியில் க்குள் ஏற்பட்ட கிரகணம் காரணமாக ஆகஸ்டு மாதத்தில் ஐரோப்பாவில், அந்த நாட்டின் இளவரசன் கொல்லப்படுவதைக் காரணமாகக் கொண்டு மிகப் பெரிய போர்  மூளும் என்று பேராசிரியர் பீ சூரிய நாராயணராவ் பலன் உரைத்தார். 1932 செப்டம்பர் அஸ்ட்ராலாஜிகல் மேகஸின் இதழில், கிரகணத்தை அடிப்படையாகக் கொண்டு, அமெரிக்காவில் அப்போது நடந்த ஜனாதிபதி தேர்தலில் ரூஸ்வோல்ட் ஜனாதிபதி ஆவார் என்றும் உரைத்தார். அத்துடன், அதேசமயம் இலண்டனில் பாராளுமன்றத்தில் குழப்பங்களும், கலகங்களும் ஏற்படும் என்றும், அமெரிக்காவில் பொருளாதார சிக்கல்கள் உருவாகும் என்றும், இங்கிலாந்தில் கொள்ளை நோய் காரணமாக பல குழந்தைகள் மரணிக்கும் என்றும் கூறினர் இவை அனைத்தும் நடந்தன. அதேபோல், 1940 செப்டம்பர் அஸ்ட்ராலாஜிகல் மேகஸின் இதழில் ரூஸ்வோல்ட் மூன்றாவது முறையாக தேர்தலில் வென்று ஜனாதிபதி ஆவார் என எழுதப்பட்டதும் உண்மையானது. எனவே, கிரகணங்கள் முண்டேன் அஸ்ட்ராலஜி பலன் காண முக்கிய பங்கு வகிக்கிறது.

6.   அடுத்து வால் நட்சத்திரங்களின் தோற்றம் மற்றும் அதன் திசை கருத்தில் கொள்ளப்படவேண்டும். வால் நட்சத்திரம் தோன்றும்  நாட்டில் உள்ள மக்களுக்கு கஷ்டங்களும், ஆரோக்கியக் குறைவும், பஞ்சமும் ஏற்படும்.

7.   அடுத்து பார்க்க வேண்டியது நாட்டின் தலைமை பீடத்தை அலங்கரிக்கும் முக்கிய நபரின் ஜாதகம் அலசப்பட வேண்டும். அவரின் ஜாதகம் நல்ல விதத்தில் இருந்தால் அது நாட்டிற்கு நல்லதை செய்யும். தலைமையின் ஜாதகத்தின் கிரக நிலைகளின் தாக்கம்  நாட்டின் மீது இருக்கும்.

8.   பூகம்பங்களும் கருத்தில் கொள்ளப்பட வேண்டும். முண்டேன் அஸ்ட்ராலஜி ஜோதிடத்தின் மிக உபயோககரமான, சிரமமான பிரிவுகளில் ஒன்று ஆகும். இதில் பலன் கூறும் போது ஜோதிடர்கள் கவனமாக பலன் உரைக்க வேண்டும். வராஹிமிகிரர் தனது பிருஹத் சம்ஹிதாவில் சிறப்பாக விளக்கியுள்ளார். அதை தங்கள் மேலதிக ஆராய்ச்சிக்கு, ஜோதிட ஆர்வலர்கள் பயன் படுத்திக் கொள்ளலாம்